Aaj badal aisay barsay ke tu aa hi na saka
Jora koyalon ka saath milke gaa hi na saka
Aaj tootne ke darr se phool khil nahi rahay
Dair ho chuki hai shayad aaj mil nahi rahay
Kal jo tu aaye
Meri rab se yeh dua hai phir say
Baadal aisay barsay ki tu jaa hi na sakay
Kal jo tu aaye
Meri rab se yeh dua hai phir say
Baadal aisay barsay ki tu jaa hi na sakay
Aaj baadal aisay barsay ke tu aa hi na saka
Jora koyalon ka saath milke gaa hi na saka
Dil hai bhaari, tabiyat tang rahay
Zindagi, hum tujh pay dang rahay
Uspay likhne ka toh maahir hun
Mujhay ghalat fehmi bhi hai ke mein shayar hun
Mujhay andheron se kaisi aashnayi thi
Tune zindagi mein ek shama jalayi thi
Woh shama jali toh usmein bhi ek tapish thi
Phir mujhay apni sard raatein yaad aayīn thien
Tera aana aisay hai ki jaisay shifa aaye
Jaisay rahat aaye, jaisay aahat aaye
Kuch yaad karke chehre pe muskurahat aaye
Jaisay khamoshi mein tera intezaar mein karun
Izhaar na kar sakun itna pyaar mein karun
Hisaar karle mera
Tujhme hi ghar hai mera
Yahin guzar-basar hai mera
Rooh yahin bhatakti hain
Jism bhi dafan hai mera
Teri qeemat ab ghatayi jaa rahi hai
Mujhay furqat sikhayi jaa rahi hai
Yeh hai tameer-e-duniya ka zamana
Haweli dil ki dhayi jaa rahi hai
Mujhay ummeed thi ke tum toh aaoge
Mujhay ummeed khaye jaa rahi hai
Mujhay kyun nahi aa rahi hai neend?
Mujhay fikar jagaye jaa rahi hai
Aaj badal aisay barsay ke tu aa hi na saka
Jora koyalon ka saath milke gaa hi na saka
Aaj tootne ke darr se phool khil nahi rahay
Dair ho chuki hai shayad aaj mil nahi rahay
Kal jo tu aaye
Meri rab se yeh dua hai phir say
Baadal aisay barsay ke tu jaa hi na sakay
Kal jo tu aaye
Meri rab se yeh dua hai phir say
Baadal aisay barsay ke tu jaa hi na sakay
Aaj baadal aisay barsay ke tu aa hi na saka
Jora koyalon ka saath milke gaa hi na saka
