Nisciuno 'o sape quant è difficile pe nu guaglione 'e Napule a s'imporre 'int'a società. Tutto chello c'aggio fatto 'int'a vita mia accuminciaj pe sfregio e po c''o tiempo è diventato nu stile 'e vita. Aggio sempe penzato ca 'a lotta 'e tutt''e juorne putesse essere n'ispirazione invec m'accis mentalmente...e jurnate so' punte interrogative e tu vai annanze e nun dice niente a casa...e tien na guagliona e viv ind a na stanza 'e duje metre quadrate e c'he a dicere ca dimane sarà meglio...'o pull fridd e barbecue...'e strad alberat i cas popolar marron tutt e razz nsiem...l'orizzonte mi' se so' rapute e invece 'e guardà 'nterra mo guardo 'ncielo...e vulesse ca 'a genta mia fosse cchiù felice
Scenn a quot,sient o vuot
Tuorn e nun saje si truov o buon
Mentr vuol, ansia nguoll
Finalmente tuocc 'o suolo
Suonn gruoss,è nu chiuov fiss,muov businness
Che sinistr p duj fitt fitt e nu fritt mist
A micreconomia ricicl o poc
Nu terzo 'e nuje sta miezz a via, n'atu terzo trasloc
Chi rest o prest sold co interess o s'avvilisce
Tra slot,finanziarij pa vacanz e gratt e vince
Com all'ebrei simm l'emblema d''a sopravvivenza
Embè nun tengo manco 'o budget pe m fa i gadget
'O marciapiede è quasi pavimento, sape i detersiv
Te siente fiero i essere vivo
Ma ogne juorno, ogne notte 'int'o juoco è na lotta
E pe nun falli 'a valigia se fa u guardarob
Si tu viene a miezz e stient pur i spicc staj accorto
Ogni tant e tien,ma chiù spiss e nvient sti sold
L'aggio fatto pe l'ammore d''e sorde
Lasciai napl addo tussev sang
E scetat già stevo stanco
O rifiut ra schiavitù legale ma guidat
Rinchius nda miseria, ero parte d''a maggioranza
'Int'a 'sti strade ca te crescono e te schifano
Criatur so fridd e concentrat cu chil ngopp a chil
Vulaj a londr,inghilter,chin e mbruogl e pront p vierno
E ogni pustegg bon s'attaccav 'ngopp a seggia
Ma mo voglio turnà addò 'e mamme allucn "è pront"
Addò e fa sulo nu scalino pe sta 'int'a cucina
Addò l'unione familiare è forte
E nun avé maje paura
'A mort è vist comme passaggio a vita migliore
So' stanco 'e spurcà o nomme e na nazione
A famiglia mij nun vo ma av bisogn e perdono
E accett e don e nu figl che dorm luntano
Finalmente benestante
Ca nun vo ra u stesso passato si addevent padre
