Uż na mie nawlykli biołego anieliczka
Do moczaku narwali cewke
Dali mi tabletki a obylbowaka
Aplikowali mi przez jegłe
Wywiyźli mie z łóżkym przez siyń ku wytahu
Uklidniujóm mie – nie bójcie sie!
Uż mie majóm w rynkach doktorzi w zielónym
Na epiduralke nóm napichniesz sie
A potym padóm do ćmy, kajsi z dalki słyszim
Cyrkularke, kładziwko, wyrtaczke
Na chwile'ch se spamiyntoł, kaj żech je - we stanu?
Ni, to ortoped mo makaczke
Dalszi przebudzyni już było na JIPce
Wykłodóm z doktorym, z manżelkóm
Bedym tu pry trzi dni, jak bedym miyni biydny
Tak mie na łóżkowe przewiezóm
Niebogi tu leżim, nimogym na nogi
Przimóntowany ku przistrojóm
Czitóm Ostrawaka, chodzóm mi nawszczewy
A już se o mie miyni bojóm
Coroz miyni szlauszków, aż żech je ganc wolny
Siostrziczka mówi – panie drogi
Podowo mi bierły – jo to myślim ważnie
Dzisio se stawiómy na nogi!
A tak Wóm po roku oto tóm pieśniczkóm
Dziynkujym doktorzi a siostry
Oszetrzowatelki, uklizeczki, kucharki
Jednodusze wszecy ze Sosny
Dziynkujym Wóm, thank you very much, spasiba
Ďakujem za všetko, Danke shön
A z tym dalszim kłymbym zaś tak moc nie śpiychóm
Nejrychli tak za rok na jesiyń
