Na jesiyń to każdy zno
Za chaupóm ukludzo
Jak liści opaduje
Zima se już kluje
Jedyn drzewo rzezie, bo do pieca wlezie
Drugi ciupie klocek - nazywo sie Bocek
Hamrozi gnój wozi, rozchybuje z toczek
Bo prziszły rok chce mieć dómowy ziymioczek
A mie sie też nie lyni
Skludzóm z placu leszyni
Kulała sie rułeczka
Na ty moje łyteczka
Stoł żech tam jak przibity
Przipucziła mi kity
Nogi móm siniutki, nie obujym bótki
Jak mi to napuchło, miesiónc móm maródki
Jak żech je bulaty, złómiym sztyl z łopaty
Chodzić nie poradzim, tymu'ch je krokaty
Teraz mie nic nie boli
Co sie mi zaś wysmoli...?
