Uciykło to strasznie hónym, stary rok se podowo Rynke z tym, co se narodził a wszeckim se to podobo Bo każdy czako od nowego cosi lepszigo niż przed tym Karierista powyszyni, uklizeczka nowóm mietłym A jo je strasznie zwiedawy, jak se mi beje w muzyce Darzić a eszcze wiyncej na to, jak dopadnym ze swojóm miłóm Skyrz kierej żech eszcze łóni, abych dostół hónym kwartyr Chciół iść ścinać do lasa strómy motorowóm piłóm Wszecko se słożiło tak, żech dostoł od ni prawie kopy W dobie, kiedy my mieli grać we statu strzedni Ewropy W kierym se niejwiyncej szmeli, aj z tego nakóniec zeszło Żodno Polska, żodne wiesieli - mieć tak elektrycki krzesło Posadził bych se do niego, kdyby nie było prawie sztrómu Porzódnie bych z półlitrówki, no porzódnie bych łyknył rómu A czakoł bych na tóm chwile, na tóm chwile, aż mie flagnie Niż mie flagnie, tak wyskoczim - kruca fix tyś je zaś na dnie Tak se hónym zpamiyntej synku a pozbiyrej siły Dyć se możesz za to sóm, bywoł żeś czynsto opiły Óna rada ni miała to, pokażde ci mówiła Jesi to tak beje dali,no nie bedóm ci mówić tato Dziecka, kierych eszcze tu na tym naszym świecie nima Aż ji doszła ciyrpieliwość, smutno dlo mie zaczła chwila Ale jo se abnormalnie do muzyki obuł wtedy Z chlastym strzelił, zacznył śpiywać o tej, co wypisuje kredy We zwlasztni szkole w Jabłonkowie, isto żech ji wiertnył w głowie Prawie tymi pieśniczkami, bo jak my Cieczynym sami Szpacyrowali koło Olzy a jo tlemił do ziymie Nie chybiało moc do tego, aby z oczi wyhyrkły łzy Ni móg żech za żodnóm cene uwierzić tymu, co se stało Czi to je sen, czich je pako, no nie było tego mało Ele od tej doby se mi zaś świat zacznył widzieć o moc lepszi Wszyndzi mówim na zdrowi, kaj słyszim yny kichnyć - HEP CZI Ze starym rokym se łónczimy u nas w Beskidach na Slawiczu Sylwester, jak to powiedzieć, stół bardzi za wypij a czum Wszecy byli zhoblowani, my miyndzy nich niezapadli Tak my isto nakóniec wyglóndali nejwiyncej wadni Przesto my se ze wszeckimi gratulowali po północy Szczynścio, zdrowio - no to je jasne Bo kdo by kómu przoł nimocy Aby był tyn nowy rok o moc lepszi od starego A aby se w pieśniczkach śpiywało wiyncej wesołego (4x)Hej na na na na na na na, ... Hej na na na na na na na, ... Hejna dni sóm przed nami Hejna dni sóm za nami